العلم نهضة الامة الإسلامية



مرحبا بك عزيزي الزائر في منتديات ثقافة 2009 شعارنا العلم نهضة الأمة الإسلامية . المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه و شكرا لك ,المدير العام:محمد تابليت . santa


العلم نهضة الامة الإسلامية

شعارنا العلم معرفة شعارنا العلم نهضة الأمة الإسلامية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

.: عدد زوار المنتدى :.

بحـث
 
 

نتائج البحث
 
Rechercher بحث متقدم
المواضيع الأخيرة
أفضل 10 أعضاء في هذا المنتدى
mohamed10060
 
issame1995
 
salah
 
michaal
 
خالدوه
 
abdo
 
malik
 
fio123
 
fouad_tablit
 
leader
 

شاطر | 
 

 موضوع شامل عن طريقة تسطيب وتشغيل الألعاب وحل المشاكل اللي بتقابل الأعضاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamed10060
Admin
Admin
avatar

الأوسمة :
الهواية :
المهنة :
المزاج :

الجنس : ذكر الدولة : الجزائر

عدد المساهمات : 201
نقاط : 926
السٌّمعَة : 3
تاريخ التسجيل : 15/09/2009
العمر : 22
الموقع : حاسي مسعود
تعاليق على المنتدى : منتدى من الروائع

مُساهمةموضوع: موضوع شامل عن طريقة تسطيب وتشغيل الألعاب وحل المشاكل اللي بتقابل الأعضاء   الإثنين ديسمبر 13, 2010 9:55 am

أخواني أعضاء وزوار thakafa2009

لكثرة الشكاوى تم عمل هذا الموضوع ويشمل جزئين

1- طرية تشغيل الألعاب بمختلف انواعها

2- حل لأشهر المشاكل اللي بتقابل الكثير من لأعضاء



أولا : طريقة تشغيل الألعاب .

لتسطيب الألعاب فيه نوعين من الألعاب اللي بتترفع على المنتدى

1 - الألعاب الفل ريب ( Full Ripped ) او الريب

2 - الألعاب الأيسو



1 - الألعاب الفل ريب

دي اسهل الألعاب من حيث طريقة التسطيب .. لانها بتبقى تقريبا بورتابل ولكن مضغوطة ببرامج ضغط معينة

وبيكون تسطيبها عن طريق ملف الباتش الموجود مع اللعبة زي ( setup.bat - Unpack.bat - install.bat )

وبيتم الضغط عليه فقط والانتظار حتى يتم الأنتهاء من التسطيب وبعدها تبدأ اللعبة مباشرة

مثلا زي الصورة دي



وشاشة التسطيب بتكون بالمنظر ده




اعتقد النوع دع من الألعاب مفيش اي مشاكل فيه




2 - الألعاب الفل ايسو

الألعاب دي بتكون موجودة على صور كتيرة

يعني ممكن تلاقيها مكتوبة ( Full Iso - Reloaded - Repack .... )

كل الصور دي للالعاب بتبقى ايسو وبتتسطب ببرامج اسطوانات وهمية .. أفضلهم في رايي Power Iso

وده لينك البرنامج Power Iso 4.4 ممكن تحمله من هنــــا

عشان تسطب الالعاب دي لازم يكون البرنامج ده متسطب

ملحوظة هامة جداااا : وانت بتسطب البرنامج ده تاخد بالك من الخطوة دي



لازم تعلم على كل الإمتدادت عشان فيه العاب امتداها iso وفيه العاب امتدادها مثلا Bin

فعشان ميحصلش اي مشاكل بعد كده لازم تحددو كل الامتدادت

وطريقة تسطيب اللعبة بالباور ايسو سهلة جدا

1- بتضغط كليك يمين على الملف الايسو او البين اللي عندك ( الناتج من فك الضغط )

2- تعمل زي الصورة دي



3- هتلاقي اللعبة اما انا فتحتلك اوتوماتيك فولدر اللعبة اللي فيها ايكونة التسطيب .. او اللعبة انضافت في محركت

الاسطوانات الوهمية اللي موجود في My Computer جمب البارتشنات بتاعتك وفي الحالتين تقدر تفتح فولدر اللعبة

وتبدأ التسطيب وعادة مابيكون ملف التسطيب بالاسم ده setup.exe

4 - الخطوة دي مش دايما بس في معظم الألعاب الايسو بتكون موجودة .. وهيه نقل الكراك

والكراك بيكون موجود بردو في فولدر اللعبة اللي طلعلك وسطبت منه اللعبة وطبعا بيبقى مشار ليه في الموضوع

اقتباس:
* فيه العاب بتبقى معمولة على أكتر من ملف أيسو او أكتر من ملف بين

التسطيب بيكون بنفس الطريقة بس بتحرق الملف الاول وتدخل عادي تبدأ التسطيب لحد مايطلب منك الملف التاني

متكنسلش التسطيب .. تسيبه وتروح تعمل كليك يمين على الملف التاني وتشغله بالباور ايسو وترجع للتسطيب

تدوس اوكى

وبردو بنفس الطريقة لو اكتر من ملفين

وده تاني نوع من الألعاب




2- مشاكل الألعاب


اقتباس:
قبل ماتلكم عن المشاكل اللي ممكن تقابل الأعضاء

أحب أوضح ان أي لعبة الأعضاء بترفعها بتتراجع وبالتلي مبتتنقلش القسم الا لما بنتأكد انها سليمة

ولو أي لعبة حد من المشرفين رافعها بيبقى لازم مجربها ومتأكد انها شغالة

فعشان كده اي عضو تقابله مشكلة ميدخلش يقول كلام ملوش لزمة لان المشكلة بنسبة كبيرة من عنده

ولو مش عنده يبقى اكيد بردو ليها حل


ولو اي عضو قابلته مشكلة في اللعبة يتصرف كالاتي

1- يرد في الموضوع ويوضح المشكلة اللي قابلته

2- لو صاحب الموضوع او اي حد مردش عليه ( وده عادي لان صعب كل واحد يتابع كل مواضيعه ) يبعتله رسالة

يبنبهه للمشكلة

3 - لو صاحب الموضوع مردش عليه يبعت رسالة في الملف الشخصي لاي من

Maystro

UnderCover

Youregy

وبكده المشكلة بتاعته هتتحل ان شاء الله



واتمنى من أي عضو قبل مايحمل أي لعبة يقرا متطلبات التشغيل بتاعتها كويس جداا

ولما يحملها يسطبها بالطريقة اللي اللي موضحه في الموضوع

وكمان يحمل البرامج المرفقة مع اللعبة في الموضوع



نيجي لأشهر المشاكل ..

1 - الشاشة السودا او الخروج من اللعبة وظهور رسالة Dont Send

للاسف المشكلة دي بتبقى لاكتر من سبب

* اما اللعبة نفسها مش سليمة او ناقصة ملفات ( وده طبعا مبيحصلش هنا )

* او اللعبة بتحتاج امكانيات اعلى من كارت الشاشة

* او الويندوز فيه مشكلة

وفي كل الحالات حل المشكلة دي مبيبقاش عند اللي عامل الموضوع او عند اي حد غير صاحب المشكلة نفسها



2 - ظهور الرسالة دي
اقتباس:

the aplication not installed coreectly or not installed .. reinstall it to solve the problem

الرسالة دي معناها ان اللعبة محتاجة ملف الريجستري عشان تشتغل وبيبقى موجود في فولدر اللعبة

وعادة مابيكون بالاسم ده reg.reg

وسبب الرسالة دي .. ان اللعبة مش متسطبة على الجهاز ده او منقولة وهيه متسطبة جاهزة وفي كل الاحوال

الرسالة دي مش مشكلة لان حلها بسيط وبيكون موجود مع ملفات اللعبة



3 - المشكلة الأشهر بين الأعضاء وهيه نقص ملفات في اللعبة مثلا زي dx3dx_31.dll

أحب اوضح ان المشكلة دي مبتبقاش عيب من اللعبة ولا هيه نقص ملفات ولا حاجة

دي بتبقى نقص ملفات Dll في الويندوز

وليها أكتر من حل وحلولها سهلة جدااا

1 - تسطيب اصدار مناسب من الدايركت اكس Dirext X

2 - الحصول على الملف اللي ناقص ونسخه في ملفت الويندوز في المسار ده :: C:/ Windows / System32

عشان كده انا جمعت كل ملفات ال Dll في ملف واحد مضغوطين من 65 ميجا الى 20 ميجا

واي حد تقابلة المشكلة دي ينزل الملف ده وينسخ الملفات اللي طلعتله في المسار اللي وضحته

لتحميل معظم ملفات ال Dll من هنــــــــا



4 - ظهور رسالة في مضمونها ان physics loader مش متسطب او مش مدعوم

وطبعا الحل بيكون بتسطيب برنامج Agia Physics اللي بيكون موجود في الموضوع وكمان البرنامج ده

بيحسن أداء الألعاب لحد كبير وبيوضح الجرافيك بتاعها بصورة كبيرة



5- مشكلة فك الضغط للملفات

المشكلة دي ليها أكتر من سبب هذكرهم بالترتيب وعلى كل عضو يتأكد من الأسباب دي وكله هيبقى تمام

1 - سيرفر التحميل اللي بتحمل منه ممكن يبوظ الملف المضغوط خصوصا الميديا فاير

2- ايقاف التحميل اكتر من مرة أثناء التحميل ده في حد ذاته بيبوظ الملفات المضغوطة

3 - برنامج الوين رار نفسه مش سليم علشان كده ياريت تحملو أحدث اصدارت الوين رار

4 - مشكلة في الويندوز نفسه

ده طبعا بإهمال ان ممكن تكون اللعبة نفسها فيها مشكلة في فك الضغط لانها طالما اتراجعت تبقى سليمة

اي عضو تقابله المشكلة دي يحاول يعرف المشكلة من اي ملف ويحمله تاني ومن سيرفر غير اللي حمله منه

وده طبعا بعد تغيير اصدار الوين رار



كده ده ملخص لأشهر المشاكل اللي لاحظت انها بتقابل الأعضاء وأي مشكلة تظهر طبعا هضيفها في الموضوع

أتمنى يكون الموضوع مفيد ويستفيد منه كل الأعضاء


تحياتي للجميع


thakafa2009 الإختلاف والتميز

_________________التوقيع:
رائــع : تصحيح أخطاء الغير
الأروع : أن لايتحول اقتناص الأخطاء إلى متعة شخصية لديك
رائــع : أن تقدم نصيحة لمن تحب
الأروع : ألا تتحول النصيحة إلى جرح للمشاعر

معاك يالخذرة معاك يدزاير معاك يسعدان

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://thakafa2009.mam9.com
 
موضوع شامل عن طريقة تسطيب وتشغيل الألعاب وحل المشاكل اللي بتقابل الأعضاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
العلم نهضة الامة الإسلامية :: الالعب :: منتديات ألعاب pc-
انتقل الى: